關於

香港的士咪錶（hk.metersign.com）係專為香港私家車主而設嘅自駕慳錢儀表板：駕住自己部車時開部手機當佢係的士咪錶咁玩，每程記低「如果今程搭的士會幾錢」，Google 登入備份後喺 /history/ 月底睇總慳款。亦可以唔登入當普通的士咪錶用。所有 GPS 追蹤、距離計算、車費都喺你部裝置入面運算，唔會上傳到任何 server。

緣起

香港的士咪錶嘅起點其實係一個玩笑。某次朋友搭我私家車，落車嗰刻我順口問咗一句：「如果你頭先搭的士，依家應該幾錢？」大家都笑笑，但都覺得「呢條數其實算到」。

返到屋企就揀咗個週末，自己寫個網頁版的士咪錶 — 純前端、GPS 計距、跟運輸署費率跳錶。原意只係想下次朋友再搭順風車，可以鄭重其事 show 個 LED 大字錶話佢知「你今程慳咗 HK$XX」，純粹係朋友之間玩笑工具。

寫完之後諗：「既然個的士咪錶 logic 已經寫好晒，順手加個紀錄功能咪得囉？」每程結算自動 save、Google 登入備份去自己 Drive、月底入 /history/ 睇累計 — 即係「我成個月自駕，相對於搭的士慳咗幾多錢」呢條數，終於每個私家車主都計到。一個玩笑變一個工具，由此而來。

點樣用

1. 揀車種（或 operator / 城市）。
2. 需要嘅話，剔附加費。
3. 上車時撳「開始」，瀏覽器會問 GPS 權限，記得允許。
4. 到埗後撳「結束」，估算車費同明細會即時顯示。

準確度限制

網頁版用瀏覽器嘅 GPS API，喺隧道、地下、高樓密集區會失訊或飄移。實際車費以的士車內計錶為準。

iOS Safari 鎖屏或切換 app 後 JS 會暫停，建議開啟「保持螢幕常亮」（已自動嘗試 Wake Lock API）。

離線使用

網頁支援 PWA — 加到主螢幕後，就算冇網絡都可以照常計費（GPS 只需要硬件信號，唔需要網絡）。

專案狀態

本工具屬非公開項目，原始碼不對外開放。費率資料隨官方公告更新即重新部署，無 App Store review 延遲。